ចៅក្រម​សហរដ្ឋអាមេរិក បានចេញ​បញ្ជា​ឲ្យ​ផ្អាក​ការទាញយកកម្មវិធី (TikTok) ​ជាបណ្តោះអាសន្ន​!

ថ្ងៃចេញផ្សាយ ថ្ងៃទី៨ ខែតុលា ឆ្នាំ២០២០: ចៅក្រម​សហរដ្ឋអាមេរិក បានចេញ​បញ្ជា​ឲ្យ​ផ្អាក​ការទាញយកកម្មវិធី (TikTok) ​ជាបណ្តោះអាសន្ន​! ចំពោះដីការដែលចៅក្រម​សហរដ្ឋអាមេរិក បានចេញ​បញ្ជា​ឲ្យ​ផ្អាក​ការទាញយកកម្មពិធី(TikTok)នេះគឺ បានធ្វើឡើងនៅថ្ងៃទី២៧ ខែកញ្ញា ឆ្នាំ២០២០ មុន​បម្រាម​របស់​ក្រសួងពាណិជ្ជកម្ម​អាមេរិក​ក្រោម​ហេតុផល​សន្តិសុខ​ជាតិ ត្រូវ​ចូល​ជា​ធរមាន ​ចំពោះបម្រាម​ដែល​ហាមឃាត់​មិន​ឲ្យ​ទាញយក​កម្មវិធី​(TikTok)ពី App store និង Play store​។ ចៅក្រម​សហព័ន្ធ​មកពី​រដ្ឋ​វ៉ាស៊ីនតោន គឺលោក (Carl Nichols) ដែល​បានចេញ​ដីកា​ឲ្យផ្អាក​ជាបណ្តោះអាសន្ននេះ។ សម្រាបការអនុវត្ត​បម្រាម​របស់​ក្រសួងពាណិជ្ជកម្ម ក្រោយ​មានការ​តវ៉ា​ពី​សំណាក់​ក្រុមហ៊ុន (TikTok) លោក បានមានប្រសាសន៍ថា> វិធាន​ការដែល​ហាម​ឃាត់មិន​ឲ្យ​ទាញយក​កម្មវិធី​នេះ ជាការ​ដកហូត​សិទ្ធិ​យ៉ាងសំខាន់​របស់​ក្រុមហ៊ុន​។ ប៉ុន្តែ ចំពោះមូលហេតុ​ គឺលោក​មិនទាន់បាន​បញ្ជាក់​ឲ្យច្បាស់នៅឡើយទេ ពីព្រោះ​រង់ចាំ​ការបកស្រាយ​ជាមួយ​ភាគី​ដើមបណ្ដឹង និង ​ចុង​បណ្ដឹង​ជាមុនសិន មុននឹង​បញ្ជាក់​ដីកា​ជា​សាធារណៈ​។ ចំណែក​មេធាវី​តំណាងក្រុមហ៊ុន (TikTok) បាន​លើកឡើងថា> ចំពោះការហាម​មិន​ឲ្យ​ទាញយក​កម្មវិធី (TikTok)នេះ គឺ​មិន​ធ្លាប់មាន និង​ មិន​សម​ហេតុផល​។ លោក​បន្ថែមទៀតថា> មាន​ហេតុផល​អ្វី ដែលហាមឃាត់​មិន​ឲ្យ​ទាញយក​កម្មវិធី​(TikTok)បែបនេះ ខណៈ​ពេល​ក្រុមហ៊ុន​កំពុងតែ​ធ្វើ​ការចចារ​គ្នា។ លោកបានអះអាង​ថា> នេះ​គឺជា​ការ​ធ្វើបាប​ក្រុមហ៊ុន និង​ គ្មាន​បញ្ហា​បន្ទាន់​អ្វី​នោះឡើយ​។​ សូមអរគុណ!