បញ្ហា​ទំនាស់​ដីធ្លីមួយ ដែលធ្វើអោយបងប្អូនប្រជាពលរដ្ឋ​បាននាំគ្នា​សម្រុកចូល​ទៅក្នុង​ក្រសួង​រៀបចំ​ដែនដី

ថ្ងៃចេញផ្សាយ ថ្ងៃទី៨ ខែតុលា ឆ្នាំ២០២០​: នៅ​វេលាម៉ោងប្រហែលជា ២​រសៀល ថ្ងៃទី​២១ ខែកញ្ញា​ ឆ្នាំ២០២០នេះ បងប្អូនប្រជាពលរដ្ឋ​ជាច្រើនបាននាំគ្នា​សម្រុកចូល​ទៅក្នុង​ក្រសួង​រៀបចំ​ដែនដី ប៉ុន្តែ​ត្រូវបាន​កងកម្លាំង​សមត្ថកិច្ច រារាំង​មិនឱ្យ​ចូល​នោះឡើយ​។ កម្លាំង​សមត្ថកិច្ច បានអនុញ្ញាត​ឱ្យ​បងប្អូនប្រជាពលរដ្ឋ​ទាំងអស់ អង្គុយ​នៅត្រឹម​បរិវេណ​នៃ​ទីតាំង​តវ៉ា​តែប៉ុណ្ណោះ និយាយរួមគឺ​មិនឱ្យ​ពួកគាត់ចរយាត្រា ឬ​ ដង្ហែ​ក្បួន​នោះទេ​។ លោក (ឈឹម សាផាន) ដែលជាតំណាង​អោយបងប្អូនប្រជាពលរដ្ឋ​៧៤៣​គ្រួសារ ដែលមាន​ទំនាស់​ដីធ្លី​ជាមួយ​ក្រុមហ៊ុន (កោះកុង​ស៊ូ​ហ្គេ័​រ) និង​ (កោះកុង​ផ្លេ​ន​ថេ​សិន​អិន​ដាស់​ស្ទ្រី ខម​ផេ​នី) របស់លោក​ (លី យ៉ុង​ផាត់)  បាន​អោយដឹងថា> ការទាមទារ​ជួបលោក​ (ជា សុផារ៉ា) គឺ​ដើម្បី​ចង់ដឹងថា​តើ​ក្រសួង​ពាក់ព័ន្ធ​មួយណា​នឹង​ជួយដោះ​ស្រោ​យ​បញ្ហាទំនាស់ដីធ្លី​របស់​ពួកគាត់ ដែល​បានអូសបន្លាយ​អស់​រយៈពេល​ជាង​១០​ឆ្នាំ​មកហើយ។ បើយោងទៅតាម​ប្រសាសន៍ លោក (ឈឹម សាផាន) សហគមន៍​ចំនួន ៧៤៣​គ្រួសារ បានដាក់​ញ្ញា​តិ្ត​ទៅព្រ​ទ្ធឹ​សភា រដ្ឋសភា ក្រសួងបរិស្ថាន ក្រសួងកសិកម្ម និង​ ក្រសួង​ពាក់ព័ន្ធ ផ្សេងទៀត​ជាច្រើនលើកច្រើនសារមកហើយ ប៉ុន្តែ​នៅតែ​មិនមានដំណោះស្រាយ​ណាមួយសម្រាប់ពួកគាត់នោះទេ។ លោក (ឈឹម សាផាន)  បាន​និយាយ​ថា> ​ខ្ញុំ​មក​ថ្ងៃនេះ​ គឺដើម្បីទាមទារ​ជួប​លោក (ជា សុផារ៉ា​) ក្នុងគោលបំណង​តែមួយ គឺ​ខ្ញុំចង់ដឹងថា តើ​ឱ្យ​ក្រសួង​ពាក់ព័ន្ធ​មួយណា​ដោះស្រាយ​បញ្ហាដី​ធ្លីនេះឱ្យ​ពួកខ្ញុំ​? នៅពេលណា​?​ ថ្ងៃ​ណា​? ហើយតើអ្នកណា​មួយជាអ្នកដោះស្រាយ? អ្នកនាំពាក្យ​ក្រសួង​រៀបចំ​ដែនដី លោក (សេង ឡូត) បាន​បញ្ជាក់អោយដឹងយ៉ាងច្បាស់ថា> បញ្ហាតវ៉ា​របស់​ពួកគាត់​នេះ ខាង​ក្រសួង​គ្មាន​ដំណោះស្រាយ​នោះទេ ទោះបីជា​ពួកគាត់​នៅ​តែបន្ត​រងចាំ​ជួប​រដ្ឋមន្ត្រី​ក៏ដោយ។ លើសពីនោះទៅទៀតគឺ ​លោក (សេង ឡូត) បានអះអាងបន្ថែមទៀតថា> ការតវ៉ា​ទាមទារ​របស់​លោកតំណាង​ប្រជាពលរដ្ឋ​ទាំងនោះ គឺជា​រឿង​ដែលមិន​ត្រឹមត្រូវ​ទៅនោះឡើយ។ លោក សង្កត់ធ្ងន់ថា បងប្អូនប្រជាពលរដ្ឋ​ទាំងអស់នេះ គឺគ្មាន​មូលដ្ឋាន​ច្បាស់លាស់​នោះឡើយ​។ អ្នកនាំពាក្យ​រូបនោះ បាន​បន្ថែមទៀតថា> ក្រសួង​នឹង​ចេញ​លិខិតដោះ​ស្រាយ​បំភ្លឺ​ជុំវិញ​ករណី​ទាមទារ​របស់​បងប្អូនប្រជាពលរដ្ឋ​ទាំងអស់ ដែលមកពី​ខេត្ត​ទាំង​៤ នៅ​ថ្ងៃ​ទី​២១ ខែកញ្ញា​ ឆ្នាំ២០២០នេះ។ តែ​ទោះជាយ៉ាងណា ​អ្នកស្រី​(ដេ​ត ហ៊ួ) ដែលជាតំណាង​អោយសហគមន៍​ទាំង ១៩៧​គ្រួសារ បាន​អះអាងយ៉ាងច្បាស់ថា> បងប្អូនប្រជាពលរដ្ឋ​ទាំងអស់ដែលមាន​ជម្លោះដីធ្លី​ជាមួយ​ក្រុមហ៊ុន (ហេង ហ៊ុយ អេ​គ្រី​ខាល់​ឈ័​រ​គ្រុប) ដែលស្ថិតនៅក្នុង​ស្រុកស្រែ​អំបិល ខេត្តកោះកុង ថាបើ​មិនបាន​ជួប​លោក​ (ជា សុផារ៉ា) ដើម្បី​ដោះស្រាយ​បញ្ហាដីធ្លី​ទេ បងប្អូនដែលនៅក្នុងសហគមន៍​ទាំង​ ១៩៧​គ្រួសារនេះ គឺ​មិន​ត្រឡប់​ទៅវិញ​ឡើយ​។ ពួកគាត់និយាយថា> ​យើងនិង​នៅទីនេះរង់ចាំ​រហូតដល់​មាន​ដំណោះ​ស្រោ​យណាមួយសម្រាប់ពួកយើង ពីព្រោះ​ពួកយើង​ទៅមក​ច្រើនលើកច្រើនសារ​មកហើយ តែ​មិនដែល​មា​នសដំណោះ​ស្រោ​យ​ណាមួយនោះទេ​»។ នេះ​ជាប្រសាសន៍​របស់​អ្នកស្រី (ដេ​ត ហ៊ួ)។ ប្រជាពលរដ្ឋ​ប្រមាណជា ​៤០០​នាក់ ដែលជាតំណាងអោយបងប្អូនប្រជា​ពលរដ្ឋ​ចំនួន​ ១,៩៩៦​គ្រួសារ មកពី​ខេត្ត កោះកុង, កំពង់ស្ពឺ, ត្បូងឃ្មុំ, និង​ ខេត្តស្វាយរៀង ដែលបាននាំគ្នា​មក​តវ៉ា​នៅមុខ​ក្រសួង​ដែនដី ដើម្បីទាមទារ​ឱ្យមាន​ដំណោះស្រាយ​មួយលើ​បញ្ហាដីធ្លី​ពួកគាត់ដែល​បានអូសបន្លាយ​ពេលអស់ជាង​ ១០​ឆ្នាំហើយ។ សូមអរគុណ!