និស្សិតនិងវេជ្ជបណ្ឌិតនៅប្រទេសមីយ៉ាន់ម៉ាមានគម្រោងធ្វើបាតុកម្មថ្មីទៀតនៅថ្ងៃព្រហស្បតិ៍នេះ ដើម្បីប្រឆាំងនឹងច្បាប់យោ

ថ្ងៃចេញផ្សាយ ថ្ងៃទី២៥ ខែកុម្ភៈ ឆ្នាំ២០២១: និស្សិតនិងវេជ្ជបណ្ឌិតនៅប្រទេសមីយ៉ាន់ម៉ាមានគម្រោងធ្វើបាតុកម្មថ្មីទៀតនៅថ្ងៃព្រហស្បតិ៍នេះ ដើម្បីប្រឆាំងនឹងច្បាប់យោធាខណៈដែលទីក្រុងវ៉ាស៊ីនតោនបានសម្តែងការព្រួយបារម្ភអំពីការនិរទេសរបស់ ប្រទេសម៉ាឡេស៊ីទៅលើជនជាតិមីយ៉ាន់ម៉ាប្រហែល ១១០០ នាក់ឱ្យត្រឡប់ទៅប្រទេស កំណើតវិញ។ នេះបើយោងតាមការចេញ ផ្សាយរបស់សារព័ត៌មាន Reuters នៅថ្ងៃ ទី២៥ខែកុម្ភៈនេះ។ សេចក្តីរាយការណ៍បានឱ្យដឹងថា មានការតវ៉ាជារៀងរាល់ថ្ងៃប្រមាណ ៣សប្តាហ៍មកហើយ ៗ នៅថ្ងៃព្រហស្បតិ៍នេះ និស្សិតបានសន្យាធ្វើបាតុកម្មនៅមជ្ឈមណ្ឌលពាណិជ្ជកម្មទីក្រុង យ៉ាំង ហ្គូនដោយក្រុមបាតុករបានជំរុញឱ្យយកសៀវភៅសិក្សាលើកកម្ពស់ការអប់រំយោធានៅក្នុងពេលតវ៉ានោះ។អ្នកជំនាញនិងមន្រ្តីរដ្ឋាភិបាលជាច្រើននាក់ក៏បានចូលរួមក្នុងយុទ្ធនាការប្រឆាំងនេះផងដែរ។ បន្ថែមពីនេះទៀតក្រុមអ្នកតវ៉ារាប់សិបនាក់បានប្រមូលផ្តុំគ្នានៅខាងក្រៅស្ថានទូតថៃក្នុងទីក្រុងយ៉ាំងហ្គូន កាលពីថ្ងៃពុធដោយមានសញ្ញាសរសេរថា“ គោរពការបោះឆ្នោតរបស់យើង” និង“ យើងបានបោះឆ្នោតឲ្យគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី Aung San Suu Kyi។ ចំណែកឯក្រុមដែលត្រូវបាន និរទេសខ្លួននឹងទៅដល់ប្រទេសមីយ៉ាន់ម៉ានៅថ្ងៃសៅរ៍ ។ នេះបើយោងតាមហ្វេសប៊ុករបស់កងទ័ពជើងទឹកមីយ៉ាន់ម៉ា។ សូមអរគុណ!