​ម៉ាស៊ីនភ្លើង​ដែលអាចដំណើរ​បាន​​១៥​ម៉ោង​ក្នុង​មួយថ្ងៃ ដោយ​មិនចាំបាច់ប្រើ (​ប្រេង​ឥន្ទ​នៈ​) (​សាំង​) (​ម៉ា​ស៊ូ​ត​) និង​ (ចរន្តអគ្គិសនី)ឡើយ

ថ្ងៃចេញផ្សាយ ថ្ងៃទី៨ ខែតុលា ឆ្នាំ២០២០: បងប្រុសម្នាក់មានឈ្មោះ (​សោម សីហា) មានអាយុ២៦ឆ្នាំ ជាអ្នក​ខេត្តកំពង់ឆ្នាំង​ បានផលិត​បាន​ម៉ាស៊ីនភ្លើង​ដែល​អាច​ដំណើរ​បាន​រហូតដល់​ ១៥​ម៉ោង​ក្នុង​មួយថ្ងៃ ដោយ​មិនចាំបាច​ប្រើ​(​ប្រេង​ឥន្ទ​នៈ​) (​សាំង​) (​ម៉ា​ស៊ូ​ត​) និង​ (ចរន្តអគ្គិសនី)ឡើយ​។ បងប្រុសបាន​បន្ថែមទៀតថា> គោលបំណង​បង្កើត​ម៉ាស៊ីនភ្លើង​នេះ​ឡើង គឺ​ដើម្បី​ជួយ​លើកកម្ពស់​វិស័យ​កសិកម្ម​កម្ពុជា ជាពិសេស ​ផ្នែក​វារីវប្បកម្ម ដែលអាចជួយ​កាត់បន្ថយ​ការចំណាយ​ថាមពលអគ្គិសនីដលកសិក​រ និង​ អាចជួយកាត់បន្ថយផលប៉ះពាល់​​ដល់​បរិស្ថាន​ផងដែរ។ បងប្រុសបានបញ្ជាក់យ៉ាងច្បាស់ថា> ម៉ាស៊ីនភ្លើង​បង្កើត​ថាមពល​ដោយ​ខ្លួនឯង​នេះ គឺ​ ដំណើរ​ការឡើង​ដោយ​មិនឮ​សំឡេង ហើយមិន​បញ្ចេញ​ផ្សែង​ឡើយ​។គាត់បានបន្ថែមថា> បានរៀបចំ និង​កំណត់​ម៉ាស៊ីនភ្លើង​នេះ​ ឱ្យ​ដំណើរការ​តែ​១៥​ម៉ោង​ប៉ុនណុះ​ក្នុង​មួយថ្ងៃ ដើម្បី​រក្សា​គុណភាព​ម៉ាស៊ីនដើម្បី​អោយ​ប្រើប្រាស់​បានយូរ និង ​មិនឆាប់​ខូច​។ ប៉ុន្តែម៉ាស៊ីនភ្លើង​នេះ  ក៏​អាច​ប្រើប្រាស់​២៤​ម៉ោង លើ​២៤​ម៉ោង​បានផងដែរ។​ ម៉ាស៊ីនភ្លើង​ប្រភេទ​នេះ គឺអាច​ប្រើប្រាស់​បាន​គ្រប់​វិស័យ ជាពិសេស​ លើ​វិស័យ​កសិកម្ម​ សម្រាប់​ប្រជាកសិករ​ដែល​រស់នៅ​តំបន់​ដាច់ស្រយាល ដែល​មិនមាន​ប្រព័ន្ធ​​អគ្គិសនី​រដ្ឋទៅដល់​។ បងប្រុសបានបញ្ជាក់ទៀតថា> ការផលិត​​ម៉ាស៊ីនភ្លើងនេះ បាន​ចំណាយអស់រយៈពេល​​ប្រហែលជា​ ១​ឆ្នាំ ដើម្បីស្រាវជ្រាវ ​និង​ចំណាយ​ថវិកា​អស់​ប្រហែលជា ​៧០០០​ដុល្លារ ដើម្បី​សម្រេច​ជោគជ័យ​នៃ​ការបង្កើត​ម៉ាស៊ីនភ្លើង​ដើរ​ថាមពលដោយ​ខ្លួនឯង​នេះ​។ សូមអរគុណ!